الجزء الثالث نور عيني
احمد .. البنت دي انا بحبها جدا ياحمادة ونفسي اخطبها
حمادة .. طيب ما تخطبها يابنى ولا اعمل حاجة
احمد .. انا عايز اكلم ابوها واتفق معاه من غير ما هيا تعرف عشان ابقي بفعل مش عايز اتكلم كتير وفى الاخر ميحصلش نصيب ونور تتعب بسببي
حمادة .. طيب ما ترتب نفسك وكلم ابوها ولو حتي النهارده خد منو معاد تيجي تقعد معاه انت واهلك يعني مش شرط تكون معاك فلوس دهب وكده انت رايح تتفق
حمادة .. شوف هتروح امتى وظبط نفسك بدري بدري
احمد .. فى مشكلة دلوقتى انا مش عايزها تعرف ان انا اللى هخطبها وهيا على طول فى البيت مش بتخرج كتير فا هتشوفني كده
حمادة .. عندي فكره جميلة
احمد .. اييييييييه
حمادة .. بص فى اليوم اللى هتروح تقابل ابوها قولها انكم هتخرجوا وخليها تستناك فى مكان وانت روح اقعد مع ابوها ونفضلها وكل اما ترن ابعتلها مسج قولها جاي فى السكة وسيبها فى الشارع لحد اما تقابل ابوها وتمشي
احمد .. هههههههههههه يا ابن الجنية على الفكرة بس كده هنتخانق خناقة كبيرة
حمادة .. هههه ياعم فكك هتسامحك لما تعرف انك هتخطبها
اليوم ده احمد فكر كتير قوى يقابل ابوها امتى وكان متوتر فا خد رأي مامتوا
احمد .. يا ماما انا عايز اخطب
ام احمد .. بركة يابنى ده يوم المني انا نفسي افرح بيك بص بقي تعالى اجوزك البت بطة بنت ام علي جمال وادب واخلاق واصل وفصل
احمد .. هوووووووسسسس اسكتى ياما بلا بطة بلا زفت بطة وام علي يعني ياكل البطة واحلى ب ام علي هههاهاهااي
ام احمد .. حوش يا واد العسل اللي بينقط منك يعني من جمالك مش عاجباك بطة بلا خيبة
احمد .. اوووووف انا غلطان انى كلمتك انا هتكلم مع بابا خليكي كده طول النهار تغشي اكلات من التليفزيون وتوجعي بطننا بيها .
ام احمد .. استني بس خد ههههه اخص عليك
احمد .. انا عايز اخطب يا بابا
ابو احمد .. طيب ومالوا يا حبيبي فى حد فى دماغك ؟
احمد .. ايوة صديقتي اتعرفت عليها عن طريق صحابي والشلة بس محترمة جدا وبنت ناس محترمين .
احمد فسر كل حاجة ل ابوه واتفق معاه انوا هيروح ياخد معاد من ابوها عشان ابو احمد يروح هو وعمو ومامتو يتفقوا معاهم.
احمد .. الو
نور .. الو
احمد .. ازيك يا ريم
نور .. الحمد لله يا احمد انت عامل ايه
احمد .. الحمد لله . بقولك ايه انا لازم اشوفك النهاردة ضروري
نور .. لا بجد انا تعبانة مش هقدر
احمد .. لا لا مينفعش لازم بالله عليكي عشان فى حاجة لازم تشوفيها
نور .. حاجة ايه ؟
احمد .. مش مهم المهم روحي الكافيه النهارده الساعة 6 سلام سلام
نور يابنى اصبر بس .. اووووف .
احمد راح قابل ابو نور وقال له انو شافها مع اخت صحبوا وقرر يدخل من الباب وابو نور حب قوى انو عمل كده واستجدع احمد جدا ودخل قلبوا . نور كل شوية ترن على احمد وتبعت مسج واحمد يبعتلها يقولها جاى اهو داخل عليكي لحد اما خلص مع ابوها وروح البيت عشان لو راح لنور دلوقتى هيتخانقوا خناقة كبيرة فا نفضلها وروح .
نور .. اقسم بالله ما هكلموا تانى لو باس رجلى على اللى حصل النهارده انا اقعد كل ده فى الكافيه ويكدب عليا ويقولى جاي وميجيش والله ماشي .
ابونور على باب ريم وقالها
ابو نور.. افتحي يا حبيبتى عايز اتكلم معاكي في موضوع .
نور .. خير يا بابا
ابو نور .. في واحد جه النهاردة عايز يخطبك وانا شايف ان هو كويس ومناسب ليكي وانتى كبرتى يا حبيبتى ولازم نخطبلك .
نور من قبل ما تفهم مين واسموا ايه ومنين رفضت .
نور.. يا بابا انا مش بفكر فى الحاجات دي دلوقتي لسه شوية عليا مش عايزة اتخطب دلوقتى
ابو نور .. ايه هو اللى لسه شوية عليكي يابنتى انتى كبيرة مش صغيرة
نور نشفت دماغها وقالت انها مش موافقة ابوها قالها طيب نشوفهم ونقعد معاهم بعد كده ابقي ارفضي لو معجبكيش وبرضوا مش موافقة .
نور .. خد بقي الرسالة دي عشان متعرفش تنام النهاردة . على فكرة يا احمد انا هتخطب والعريس كان عندنا وشوفتوا لما روحت وقمر ومحترم وانا موافقة عليه ومعلش بقي كل شئ نصيب .
مسج احمد .. بجد انا اكتر واحد فى الدنيا مبسوط بالخبر ده ألف مبروك يا نور ربنا يسعدك تصبحي على خير بقي هنام .
مسج نور .. .. على فكرة انا بتكلم بجد قسما بالله هتخطب
مسج احمد .. وانا بتكلم بجد والله الف مبروك
نور اتصدمت وخدت وضع الصمت ونامت وتاني يوم قامت من النوم ساكته مش بتتكلم واحمد مش بيرن ولا بيعبرها
بعد مرور يومان
*****
ابو نور .. يانور النهاردة معاد الناس عايزك تقدمي البيبسي مش هقولك اقعددي معاهم
نور .. حاضر يابابا وهقعد معاهم كمان .
ابو نور .. جدعة ياحبيبتي ربنا يسعدك وان شاء الله هيعجبك العريس
الباب خبط . ودخل احمد وابوه وعموا ومامتوا ودخلوا قعدو مع ابو نور
ابو نور .. هاتي حاجة ساقعة يانور
ليست هناك تعليقات:
إرسال تعليق