الحلقه السادسه من قصة الاستاذ و الاستاذة

الحلقه السادسه من قصة الاستاذ و الاستاذة

*وييجى حاتم هو وداليا*

داليا:الف سلامة عليكى يا لولو

ليلى:الله يسلمك

حاتم:انتى كويسة دلوقتى

ليلى:اة الحمد لله

منيرة:اتفضلوا يا ولاد اقعدوا

خالد:لا عن اذنكوا انا ماشى

ليلى*بحزن*:ليه

خالد:معلش عشان تستريحى بقى *يارب يفهم ويمشى بقى*:عن اذنكم

منيرة:اتفضل يا ابنى

*ويمشى خالد ويفضل يفكر هو ليه مضايق اوى من حاتم كدا وليه لما بيبقى مع ليلى بيبقى مبسوط وبيخاف عليها اوى ووصل للآجابة’,ليلى اضايقت انه مشى هى بتكون فرحانة اوى لما بيكون موجود معاها وبتحب تتكلم معاه وحست انها غلطانة وانه مش مغرور ولا حاجة ده انسان بسيط جدا وطيب جدا وحست انها فى حاجة غريبة من ناحيته شدها وده كان اول مرة يحصلها وبعد ما تحسنت وبقت بخير راحت المدرسة وسلمت على كل زمايلها المدرسين ودخلت الفصل بتاعها وكانت فيه مفجاة التلاميذ عملنهالها هم وخالد*

التلاميذ:حمدالله بالسلامة يا ميس

ليلى*تبتسم*:الله يسلمكوا

مازن:وحشتينا يا ميس

ليلى:والله وانتوا كمان

لمياء:اتفضلى يا ميس دى هدية لحضرتك

ليلى:هدية ليا *وشافتها وكان برواز كبير مكتوب فيه ايه الكرسى*:الله جميلة جدا يا حبايبى ربنا يخليكوا ليا يارب

*وتبدأ تشرح الدرس وبعد ما تخلص تروح اوضة المدرسين بتاعتها وتشوف مكتب ذيادة وتستغرب وتلاقى على المكتب بتاعها هدية تفتحها وتطلع سلسلة على شكل قلب جميلة اوى وكارت مكتوب فيه حمد الله بالسلامة نورتى المدرسة يا احلى مدرسة والامضاء خالد ’ليلى تفرح اوى وتيجى داليا من الحصة*

داليا:انتى مش هتسألى ده مكتب مين

ليلى:اة صحيح مين فى حد جديد جه

داليا:ده مكتب استاذ خالد

ليلى*بستغراب*:مين

داليا:احنا كمان استغربنا ده بقى واحد تانى خالص بقى ييجى ويهزر معانا ومع كل المدرسين ده انا بجد حسيت انه مش هو انتى فاتك نص عمرك اصلا

*وداليا بتتكلم يظهر خالد,’ ليلى اول لما تشوفوا تبتسم*

خالد:صباح الخير

ليلى:صباح النور

خالد:حمد الله بالسلامة نورتى المدرسة

ليلى:منورة بيكوا ’,والاوضة منورة بيك

*وييجى حاتم*

حاتم:ليلى حمد الله بالسلامة

ليلى:الله يسلمك

*وفضلوا قاعدين يتكلموا سوى وفى الفصحة يطلب منهم المدير انهم ينزلوا الاربعة عشان عايزهم*

جلال:فى رحلة طالعة يوم الخميس الجى وانتوا الاربعة هتبقوا مشرفين عليها الباص فيه 20 تلميذ ولزما تخدوا بالكوا منهم لو واحد حصلوا حاجة دى هتبقى مشكلة كبيرة اوى

ليلى:ان شاء الله يا فندم متقلقش

داليا:اكيد هنخلى بالنا منهم

حاتم:اكيد يا فندم

خالد:متقلقش يابابا قصدى يا حضرة المدير

جلال*هتموتنى ناقص عمر*:طيب اتفضلوا

*وييجى يوم الرحلة وليلى تتأخر*

خالد:هى اتأخرت كدا ليه

داليا:مش عارفة

حاتم:يارب تكون بخير بس

خالد*باصله بأرف*:اكيد ان شاء الله *وشوية وتبدأ ليلى تظهر*:اهيه جت

ليلى:سورى على التأخير

خالد:ايه يا ليلى ده كله

ليلى:معلش بجد الموصلات صعبة

خالد:طيب يلا بينا

*وتقعد ليلى جمب داليا وحاتم جمب خالد ,’,’,’خالد مضايق اوى ونفسه يقعد جمب ليلى ومخنوق من حاتم هو حاسس ان حاتم معجب بليلى عشان كدا هو بيغير عليها منه وشوية وبدأ حاتم يشرب سيجارة*

خالد:لا انا بتخنق من الريحة السجاير اطفيها

حاتم:معلش يا خالد اصل انا متوتر اوى

خالد:وانا زمبى ايه

حاتم:اصل فى موضوع وانا متردد وخايف منه اوى

خالد:موضوع ايه

حاتم:هتعرف قريب ان شاء الله

خالد*لنفسه ياعم انا مش عايز اعرف اصلا وقام راح على كرسى داليا وليلى *:داليا روحى اقعدى جمب حاتم عشان عمال يشرب سجاير وانا بتخنق منها معلش ونبى

داليا:تدفع كام

خالد:ياستى ال انتى عايزاه بس يلا قومى

داليا:ماشى

*وقامت داليا واول ما قعد جمب ليلى*

خالد:هيييييييييييييح اخيرا

ليلى*ابتسمت*:اخيرا ايه

خالد:مافيش *وخد باله من السلسة *:الله حلوه السلسلة دى من الجيبهالك

ليلى*ابتسمت*:واحد كدا

خالد*بستعباط*:هو انتى اى واحد يجبلك سلسلة تلبسيها قلبى حاسس انه مش اى واحد

ليلى:لا هو واحد

خالد:طيب نمشيها واحد ,’بس ايه رأيك عجبك ذوقى

ليلى:حلو اوى شكرا

خالد:يلا اى خدمة اتعبى انتى بس كل يوم وانا اجبلك هدية

ليلى:حرام عليك اتعب تانى

خالد:انا بهزر طبعا تعرفى انا كنت خايف عليكى اوى لما تعبتى فجأة وماكنتش عارف اعمل ايه لو بعد الشر كان جرالك حاجة ماكنتش هسامح نفسى ابدا

ليلى*ابتسمت ووشها احمر اوى*:طيب ليه

خالد:مش عارف تقدرى تقولى انك انتى بقيتى مهمة اوى فى حياتى ليلى انا

حاتم:انا خلصت السيجارة وتقدر تيجى تقعد

خالد*مش وقتك خالص انت دلوقتى*:وانا مالى ماتخلصها

حاتم:طيب ما تيجى تقعد

خالد:ماشى*ولسه هيقوم عمل نفسه جاله شد عضلى*:اة رجلى

ليلى:فى ايه

خالد:مش عارف رجلى ساعات بيجبها شد عضلى معلش يا حاتم روح وشوية كدا وهاجى

*ويمشى حاتم*

ليلى:ها بقيت كويس

خالد:اة الحمد لله

*وفضلوا قاعدين يتكلموا سوى لحد ما وصلوا الحديقة الدولية والتلاميذ فضلوا يلبعبوا قصادهم وشوية وخالد كان عايز ليلى*

خالد:داليا بقولك ايه ألخمى حاتم عشان انا عايز ليلى

داليا:عايزها فى ايه

خالد:ملكيش دعوه المهم انك تبعديه عننا

ليلى*اضايقت اوى عشان شايفة خالد عمال يتكلم هو وداليا بشويش*:انا هقوم اجيب حاجة صاقعة

حاتم:انا هاجى معاكى

خالد:انا قايم اشوف حاجة ’,خليك يا حاتم مع داليا عشان مينفعش تقعد لوحدها

*وقبل ما حاتم يتكلم مشى خالد مع ليلى ,’,’خالد كل شوية يبص وراه لحد ما حس انه خلاص بعد عنهم*

ليلى:انا هشترى الحاجة الصاقعة من هنا

خالد*مسك ايديها*:حاجة صاقعة ايه تعالى معايا

ليلى*بستغراب*:فين

*راح خالد فى مكان هادى مابين الشجر والورد*

ليلى:فى ايه يا خالد بالظبط

خالد:ليلى من غير كلام كتير وبدون اى مقدمات انا بحبك

ليلى*بصاله ومش عارفة تقولوا ايه*

خالد*قرب منها*:انتى ساكتة ليه انتى مش بتحبينى

ليلى*مكسوفة اوى ووشها محمر ومش قادرة تنطقها*

خالد*بستغراب*:بتحبينى ولا لا

ليلى*ساكتة*

خالد*بحزن*:انا شكلى اتسرعت *ولسه هيمشى*

ليلى:بحبك

خالد*ابتسم*:ايه مش سامع

ليلى:بحبك

خالد*كان مبسوط اوى لما سمعها منها *:تتجوزينى يا ليلى

ليلى*ابتسمت*:موافقة

*خالد باسها من راسها ووشوية وموبايل ليلى رن*