الجزء الاخير نور عيني
ام نور .. خير في ايه قلقتني
ابو نور .. احمد عمل عمل حادثة وهو جاي ومات
ام نور .. يالهوي يابني
ابو نور .. اهدي يا حاجة عشان البت متسمعكيش وتفهم روحي دلوقتي قوليلها ان احمد عمل مشكلة مع صاحب القاعة وهو دلوقتي في القسم ومش هييجي دلوقتي يلا نروح وهو هييجي علي البيت ياخدك
ام نور .. حاضر
ام نور .. يا نور احمد هيأخر شوية يا حبيبتي ومش هييجي على هنا يلا نروح وهيجي ياخدك من البيت
نور .. نعم ؟ هو بيستهبل ولا ايه ! بيت مين اللي ياخدنى منو وهروح ازاى بالفستان في الشارع والناس تقول عليا ايه وهيأخر ليه اصلا هو فين يعني
ام نور .. اتخانق في صاحب القاعة وهو دلوقتي في القسم
نور .. هو ده وقت خناقات
مريم .. معلش يا نور تعالي نروح دلوقتي وهو هيجيلك ومش هتفرق ياخدك من البيت او القاعة
نور .. والله ماشي يا احمد
نور ركبت العربية مع مريم صحبتها وروحت البيت وكانت مكسوفة جدا من نظرات الناس ليها عند البيت ..
نور .. ينفع كده يابا اللي احمد بيعملوا ده ينفع يعمل مشاكل ويسيبني كده ويروح اقسام ويأخر عليا وامشي كده في الشارع وياعالم هييجي ولا مش هييجي النهاردة .
ابو نور مقدرش يمسك نفسوا من العياط هو وامها
ابو نور .. بصي يا نور يا حبيبتي كل نفس ذائقة الموت ثم ألينا ترجعون والبقاء لله يابنتي احمد مات
نور .. ايوة يعني جاي امتي بقي عشان الخطوبة عايزة اتصور معاه عشان انزلها على الفيس
مريم واقفة مزهولة ومش مصدقة اللي بيحصل مصدومة بجد وابوها وامها بيعيطوا ومش عارفين يردو عليها
نور .. يابابا رن عليه قولوا نور زعلانة منك تعالي بقي
ابو نور .. يابنتي احمد مش هييجي عشان مات
نور جالها حالت اغماء وفقدت وعيها
ام نور .. نور يانور ردي عليا يابنتي
مريم .. قومي يا نور متعمليش في نفسك كده ر دي عليا
ابو نور .. يا نور ردي يا حبيبتي انا بابا
مريم .. انا هكلم الأسعاف يا عمو
ابو نور .. لا هيا هتفوق دلوقتي
نور .. انا عايزة احمد
ام نور .. حاضر بس فوقي
نور .. قولي لاحمد نور جاهزة ومستنياك
ابو نور .. لا حول ولا قوة الا بالله
مريم .. قومي وانا هجبلك احمد يا نور بس قومي بقا
بعد ساعتين قامت من على الارض وفاقت وابتدت تعيط وتترعش ومش مصدقة اللي بيحصل وتمسك الموبايل كل شوية وترن عليه عشان ييجي والموبايل مقفول دخلت اوضتها وقفلت علي نفسها الباب وراجعت شريط الزكرايات مع احمد لما كان بيقدملها المشروب في الكافية ولما كان بيغني وخوفوا عليها من سواقين التكوسة الشباب وكل حاجة حلوة عملها معاها
بعد يومين
ربنا يرحمك يا احمد انا بجد مش هقابل حد زيك تاني ابدا مافيش حد خاف عليا وحبني بجد غيرك ياريت كنت عارفة انك هتموت كنت عشت خدامة تحت رجليك كنت هسعدك في كل لحظة انت عايشها وبرضوا مكنتش هشبع منك ربنا يصبرني على فراقك ياحبيبي
*****
حافظ علي من تحب لعلها اللحظة الاخيرة وقتها هتعيش طول عمرك ندمان عليه وتتمني تشوفو ولو ثانية واحدة .. نور معملتش حاجة وحشة مع احمد رغم كده هتموت عليه وحاسه انها كانت مقصرة معاه وتتمني الزمن يرجع وره وتبوس التراب اللي بيدوس عليه
*****
اتمني تعجبكم
ليست هناك تعليقات:
إرسال تعليق