الجزء الاخيرة من احببت يهودية
ركبت معاهم العربية وكانو بيتعاملو معايا بأسلوب مهذب نزلنا مصر وفجأة لقيت نفسي عند جهاز المخابرات فى حدائق القبة دخلت جوه وفضلت قاعد مستني حد يتكلم معايا ويقول لي فى ايه ..
محمود .. يا باشا انا هقعد هنا كتير ؟
ظابط .. لا
محمود .. طيب هو في ايه ؟ وانا هنا ليه ؟
فضلت قاعد على اعصابي ساعتين لحد اما قال لي يلا تعالى معايا . دخلت غرفة كده اعتقد انها غرفة تحقيق والدنيا ضلمة ومش شايف مين اللى واقف هيحقق معايا
محسن ممتاز .. انت هنا عشان مصر يا محمود
محمود .. محسن بيه ممتاز !! ينهار ابيض انا مش مصدق نفسي بجد
محسن ممتاز .. هاهاهاها لا صدق يا محمود انا محسن ممتاز اللي سمعت عنو فى رافت الهجان
محمود .. انا والله ما مصدق نسي بجد . طب هو انا عملت ايه يا محسن بيه عشان حضرتك تقابلني بنفسك ؟
محسن ممتاز .. ولا حاجة
محمود .. ازاى امال انا هنا ليه ؟
محسن ممتاز .. انت واحد من ولادنا وانا زي ابوك ولما شوفت ابني بيغلط قررت اقعد معاه واعرفوا غلطوا عشان مصلحتو
محمود .. حضرتك تقصد جوازي بمشيل
محسن ممتاز .. ياريت غلطك كان جوازك بمشيل . انت لو هتتجوز بنت نتنياهو زات نفسها احنا هنقدر نحميك ونسيبك على راحتك
محمود .. امال ايه الحكاية ؟
محسن ممتاز .. انت يابنى كنت هتتجوز عميلة فى الموساد الاسرائيلي تدعي ( جيل روزنبرج )
محمود .. بتقول ايييييييييييييييه قصدك مشيل ؟
محسن ممتاز .. ايوة يا محمود مشيل
محمود .. انا مش مصدق ازاى كده دي بتحبني وبحبها وعاوزاني اتجوزها . طب ازاى جاسوسة واخوها ضربها بالنار علشانى ؟ وازى على مشاكل معاهم بسببي
محسن ممتاز .. هيا مش بتحبك هيا بتحب بلدها وكانت هتتجووزك وتحببك فيها لدرجة لا يمكن ان تتخيلها عشان لما تيجي تصارحك بالحقيقة وتقولك انا عايزة معلومات عن مصر او تقولك هيا مين بجد . هتضعف قصاد حبها وجمالها وحتي لو عقلك رفض يبيع مصر قلبك مكنش هيرفض يبعد عنها فا هتعمل اللى هيا عايزاه منك من غير متحس ومش هتفوق الا لما تسيبك وتختفي من حياتك . وبالنسبة لضرب النار . اليوم اللى ضربها فيه بالنار كانت تحت تأثير الكحول وحط على كتفها مخدة قطن قبل ما يضرب عشان الطلقة توصل ضعيفة من غير ضرر
محمود .. انا مش قادر اتكلم والله
محسن ممتاز .. بلاش تعيط يابني والحمد لله انها جت على كده وانت مش غلطان انت كل اللى كنت عايزو انك تتجوز اللى بتحبها وتعيش قصة حب حقيقية مع انسانة جميلة ف قول الحمد لله اننا صاحيين ومتابعينك وشايفين كل حاجة وعارفين انك ضحية مش شريكهم .
محمود .. والله انا ضحية ومش مصدق نفسي انا حاسس انى بحلم
محسن ممتاز .. احنا عارفين كويس انك مش شريكهم وعارفين انك ضحية . عايزك تروح دلوقتى على البيت وتنسي كل حاجة حصلت ومتتكلمش مع حد فى اللى حصل واحنا قبضنا على البنت وابوها وامها واخوها وهما دلوقتي في الطريق يلا بقي قوم روح انت وخد بالك من نفسك وانسي بقي احنا هنعيط على اليهود ولا ايه انت راجل .
محمود .. ماشي يا محسن بيه انا هروح بس هطلب من حضرتك طلب
محسن ممتاز .. اتفضل
محمود .. عايز اجي لسعادتك مرة تانى عشان اعرف عملتو معاهم ايه . تحب اجي امتى ؟
محسن ممتاز .. انا هاخد تليفونك وهكلمك لما نقفل الملف بتاعهم
محمود .. ماشي يا فندم الف شكر على مساعدة حضرتك ليا
محسن ممتاز .. الشكر لله ثم مصر يا محمود
روحت البيت ومكنتش بكلم حد وقافل على نفسي باب اوضتي حتى الاكل مكنتش باكل فضلت على هذا الحال لحد اما جالى تليفون من محسن بيه ممتاز وعرفت انهم عملو تبادل اسري مع اسرائيل سلموهم مشيل وابوها وامها واخوها وخدو 500 معتقل فلسطيني ......
القصة دي من تأليفي مافيش كلمة حقيقية كل اللى عايز اوصلو ليكم ان مينفعش نتجوز اجانب مهما كانو جمال ماهو مش من قلة المسلمين والعرب بلاش تقول دي جميلة وشعرها اصفر وعنيها مش عارف ايه . عايزك تشوف الاخلاق قبل الجمال وتحسبها صح وتشوف ايه ليك وايه عليك قبل اى حاجة لان انت بتختار ام عيالك اللى هيحملو اسمك فا لازم تختار صح والاختيار الصح انك متفكرش تتجوز اجنبيه لانك ممكن تاخد قلم على وشك منها ممكن تقوم من النوم تدور عليها تلاقيها سافرت بلدها وسابتك ممكن برضوا يحصل معاك زي ما حصل فى القصة بس ساعتها محسن ممتاز مش هيسيبك هههههههههههههه . يارب تكون عجبتكم
ليست هناك تعليقات:
إرسال تعليق