الجزء الاول نور عيني
*****
نور .. ازيك يا احمد عامل ايه
احمد .. الحمد لله تمام اخبارك ايه
نور .. تمام الحمد لله
احمد .. وحشتيني
نور .. اوك
احمد .. والله
نور .. ايوة
احمد .. انا اصلا عارف انك مش بتحبينى يا نور واتغيرتي معايا ومش عايزاني تانى وانا عندي دم وهبعد عنك وربنا يوفقك ويسعدك سلام .
احمد عارف ان نور بتموت فيه بس بيستهبل عليها شوية ماهو اصيع منها .
نور .. يالهوي انا لازم اكلموا
نور .. انت بتستهبل صح
احمد .. سبيني في حالي يانور انا عارف كل حاجة اصلا بس ساكت من زمان
نور .. عاف ايه وزفت ايه بلاش استفزاز انا بحبك
احمد .. هاهاهاهاي طب مانا عارف وكنت عاوز اسمعها فا حورت عليكي
نور .. والله انت غلس بجد
احمد .. مش اغلس منك
نور .. وحشتني قوي
احمد .. وانتى وحشتيني
نور .. مش هشوفك .؟
احمد .. ياريت النهاردة
نور .. ماشي انا هنزل بالليل الساعة 8
احمد .. خلاص ماشي نتقابل فى المكان بتاع كل مرة ( الكافية )
نور .. خلاص ماشي
نامت وظبطت المنبه على الساعة 6 عشان تقوم تلبس وتجهز وتنزل على 7ونص ومتأخرش على احمد .
نور .. يالهوى الساعة 7 ايه النوم ده
قامت بسرعة تلبس وطبعا مترددة تلبس ايه ولما لبست وقفت قدام المراية كتير كالعادة ونزلت من البيت 8 واحمد يرن ومش بترد فا بعتت له مسج بتقول انها ف التاكسي وجايه اهو قربت توصل وهيا اصلا لسه فى البيت بس خايفة يمشي ويسيبها .
احمد .. حمدلله على السلامة الساعة 9 الا تلت كل ده قاعد مستنيكي يانور انتى بتستهبلي بجد
نور .. معلش والله راحت عليا نومة المنبه مرنش وصحيت 7 متزعلش
احمد .. طيب خلاص يانور
نور .. متزعلش يا احمد والله مش قصدي
احمد .. خلاص مافيش حاجة بس ايه الجمال ده يابت
نور .. ميرسي
احمد .. يا حلاوتك وانتى مكسوفة
نور .. هههههه بلاش غلاسة
جارسون .. تشرب حاجة يافندم ؟
احمد .. ميصحش تقول لي وهيا شوف الاستاذة الاول
نور ضحكت ضحكة كلها كسوف وفرحت قوى
نور .. انا عايزة فرابيه بالاسبريسو
احمد .. نعم ؟ قولتى ايه ؟
الجارسون .. هههه وحضرتك يافندم ؟
احمد .. هاتلى فراعيه بالبربريسو زيها
نور ضحكت جامد والجارسون ضحك وقاله حاضر يا فندم
احمد .. بتضحكي على ايه ؟ هو مشروب للبنات بس ؟
نور .. بنات ايه ياعبيط اسمو فرابيه بالاسبريسو
احمد .. انا عارف بس بهزر بس انتى اول مرة تطلبي ال ال ال
نور .. مش انت عارفو قول اسمو ايه ههههه
احمد .. هههههههههه طب اخرسي بقي
الجارسون جاب المشروب ومستني احمد يوقم يقدمو بنفسو لنور زي كل مره فا احمد قام مسك الصنيه وراح عند نور وقالها اتفضلي يا حبيبتي نور كل مرة يعمل كده بتفرح جدا جدا وكل البنات والشباب اللى قاعدين بيبصو عليها وهيا قاعدة ونور طبعا هتطير من الفرحة
نور .. شكرا يا حبيبي
نور .. ربنا ميحرمنيش منك يا احمد انا بحبك قوى خليك جمبي على طول متسبنيش
احمد .. وانا كمان بحبك ومقدرش اعيش من غيرك يانور
نور كل اما تبص على بنت قاعدة فى الكافيه تلقى البنت بتبص عليها بسبب اللى بيعملوا معاها احمد والثقة الجامدة قوي في نفسها طبعا كانت سعيدة جدا جدا
احمد .. يلا بقي عشان نروح
نور .. يلا فعلا الوقت اخر
احمد .. استني بقي اركبك تاكسي يكون راجل عجوز اللى بيسوق اخاف واغير عليكي لو ركبتي مع شاب
نور .. ياحبيبي احنا كل مرة كده نقف ساعتين عشان اركب مع راجل عجوز هههههه
احمد .. معلش معلش .. تاكسي اهو تااااكسي
احمد .. هليوبوليس ياسطي
تاكسي .. اتفضل
نور .. يلا مع السلامة ياحبيبي
احمد .. سلام يا حبيبتي وكلميني لما توصلي
نور .. حاضر
ليست هناك تعليقات:
إرسال تعليق