الجزء الاول من زرع حصد
طفل اسمو احمد يتيم الاب والام عايش مع جدتو مالوش في الدنيا غيرها جدتو دي فقيرة وكبيرة في السن مش بتقدر تشتغل عشان تصرف على نفسها وعلى احمد فا مش معاها فلوس تجيب عيش حاف حتي وعايشين علي تبرعات وجمعيات خيرية احمد كان صغير علي الشغل لسه طفل صغير قوي فا جدتو كانت بتبعتو يقف بعد كل صلاة عند الجامع يمكن حد يحن عليه بفلوس ولا اكل
فعلا كان في ناس كتير بتعطف عليه منهم شاب اسمو محمود كان اول ما يشوف احمد يمسك ايدو ويقول له نفسك في ايه ياصحبي قول على اى حاجة وهتكون عندك دلوقتي كان دايما يطلب لعب وفعلا محمود كان بيجيب له اى حاجة يطلبها
محمود .. يا شيخ عمر احنا لازم نشوف حل للحاجة فوزية وابن ابنها احمد لازم نوفرلهم راتب شهري ياكلو ويشربو منو عشان تقدر تصرف على الطفل المسكين اللي معاها ويدخل مدرسة ويتعلم زي اى طفل .
الشيخ عمر .. والله يا محمود يابني عندك حق احنا ازاى ساكتين وسايبينهم كده لازم نشوف حل فعلا
محمود .. ياريت يا شيخ عمر انا قلبي بيتقطع لما بشوف احمد واقف عند الجامع يشحت
الشيخ عمر .. ايدي علي كتفك يا بني . بس ازاى هنوفرلها الراتب ؟
محمود .. والله مش عارف يا شيخ عمر بس ممكن نجتمع بكره بعد صلاة العشاء ونشوف حل احنا والناس الطيبين اللي بيصلو
الشيخ عمر .. اتفقنا يا محمود
واتفقو مع بعض عشان يشوفو حل للحاجة فوزيه والطفل احمد . محمود لما خرج من الجامع راح علي بيت الحاجة فوزيه .
خبط علي الباب فتح له احمد فا لما شاف محمود ابتسم وفرح قوي .
محمود .. مساء الخير يا عسل انت
احمد .. مساء النور اتفضل
محمود .. فين الحاجة فوزيه .
فوزيه .. انا هنا يابني اهلا وسهلا اتفضل
محمود .. جاي اقعد معاكي خمس دقايق يا حاجة لو معندكيش مانع .
فوزيه .. يا مرحب بيك يا حبيبي اتفضل
محمود .. شكرا يا حاجة
دخل محمود جوه البيت واتصدم ولا شايف مروحة ولا تليفزيون ولا تلاجة ولا غسالة ولا حتي كراسي شاف البيت فاضي مافيش غير كنبه وسرير وترابيزة .
فوزيه .. اتفضل علي السرير يابني معلش بقي زي مانت شايف مافيش كرسي .
محمود .. عادي يا حاجة ماهو احنا معندناش كراسي
مين في الحارة عندو كراسي اصلا هههههههههههههههههه
الحاجة فوزية فاهمة انو بيتواضع خوفا علي مشاعرها
عشان متحسش انها اقل من اى حد
الحاجة فوزيه .. ربنا يكرمك ويكرمنا بالحلال يابني
محمود .. يارب يا حاجة . انا جيت اطمن عليكي يمكن عايزة حاجة اجيبهالك من بره او اى خدمة
الحاجة فوزيه .. شكرا يابنى ربنا يكرمك ويفرحك ويستر عرضك
محمود .. ربنا يخليكي يا حاجة ولو احتجتي اي حاجة فى اى وقت ابعتيلي الواد العسل ده وانا تحت امرك
الحاجة فوزيه .. شكرا ربنا يخليك
محمود .. السلام عليكم
وهو بيكلمها من غير ما تحس ساب تحت المخدة خمسين جنيه وخرج من عندها عشان ينام وبكره يروح يحضر الاجتماع فى الجامع ويشوف لها حل
*****
انتظرو الجزء الثاني
ليست هناك تعليقات:
إرسال تعليق