الجزء الاخيرة من زرع حصر
محمود .. فى منهم اللى مات وفى اللى عايش والدنيا اتغيرت
احمد .. مين عايش ومين مات ؟
محمود .. الشيخ عمر عايش عم احمد مات
احمد .. مات
احمد .. طيب يلا بينا نروح على بيت عم احمد
محمود .. يلا
محمود .. السلام عليكم يا حاجة
الحاجة .. وعليكم السلام
محمود .. انا معايا ضيف كان عزيز عليه عم احمد الله يرحمو وكان مسافر وجاي يعزي
الحاجة .. اهلا وسهلا اتفضلوا
احمد .. اخبارك ايه يا حاجة ؟
الحاجة .. كويسة الحمد لله يابنى بس انت مين انا اعرفك ؟
احمد .. كان فى زمان ست كبيرة اسمها الحاجة فوزية معاها عيل يتيم يبقي حفيدها اسمو احمد اللى هو انا
الحاجة .. بسم الله مشاء الله ايوة عارفاك بتاع الارنب ههههه تعالى يا حبيبي فى حضني
احمد .. ربنا يخليكي يا حاجة .. الارنب ده بقي هو سبب العز اللى انا فيه النهاردة وعم احمد الله يرحمه هو السبب وانا جيت النهاردة عشان اشوف كل الناس الحلوة بتاعت زمان .
احمد سأل مرات عم احمد ايه ظروفها وعايشة منين فهم منها حاجات كتير فا رفضت انو يساعدها احمد صمم وقالها ان ده خير جوزها الله يرحمو واقنعها واكتشف انها محتاجة تجهز بنتها اللى هتتجوز قريب ومحتاجة تعملها فرح ومحمود قال له ان فى مشاكل على بيت مرات عم احمد والناس رافعين قضية عليهم عشان البيت ايجار قديم المهم احمد هو اللى جاب جهاز بنت عم احمد وكمان حجز قاعة فى فندق عشان فرحها حتى العربيات بتاعت الزفة والساقع هو اللى جابو وكمان اشتري شقة فى الحارة لمرات عم احمد عشان تعيش فيها .. بعد كده راح للشيخ عمر حالتو المادية كانت كويسة بس عندو محل قديم بيتاجر فى السواك والكتب الدينيا فا عمل تجديد للمحل وشطبو من جديد وعمل له ديكور نضيف وجاب له كتب وبضاعة كتير وطبعا الشيخ عمر كان رافض بس احمد صمم .. كده فاضل ابو مينا . راح لابو مينا المستشفي ونقله لمستشفي خاص كبيرة وعمل له عملية زرع كلى وابو مينا قام بالسلامة وعمل راتب للجامع عشان يساعدو الناس الغلابة واتفق مع محمود يجيب الشيخ عمر عندو المزرعة ياخدو عربية فيها ارانب ويوزعوها على كل ام بتربي يتيم يمكن يحصل معاهم زي احمد وربنا يكرمهم ووزع الهداية اللى معاه على الاطفال اللى فى الشارع .
محمود .. الله يباركلك يا احمد انت كده عملت اكتر من الواجب بكتيييير قوي قوي والله ربنا يزيدك يارب
احمد .. الحمد لله انا فى قمة السعادة . بس لسه فى واحد لازم نروح له يلا اركب معايا .
احمد .. مساء الفل
الحاج .. مساء الخير
احمد .. تسمح لي احضنك ؟
الحاج .. نعم ؟
احمد .. احضنك وابوس راسك وايدك كمان
الحاج .. هههه ليه ياحبيبي بس خير مين انت انت تعرفني .
احمد .. زمان انا كنت مع جدتي بتشتري لي ترينج واختلفت مع التاجر اللى بيبيع فى السعر وانت جيت اديتها الترينج وكمان قميصين وبنطلونين وشنطة وكراريس عشان عرفت انى يتيم وقلتلها تقدم لي فى مدرسة
الحاج .. يااااااااااااه انت لسه فاكر يابنى عامل ايه ياحبيبي بسم الله مشاء الله انت عريس اهو .
بعد السلامات والتحية احمد بعت جاب بضاعة من بورسعيد هدية من للحاج ونضف له المكان اللى قدام المحل بتاعو وظبط له شوية حاجات فى المحل والحاج كان فرحان قوى لان احمد بقي حاجة حلوة لما كبر وهو برضوا سبب من الاسباب .
احمد .. فاضل انت بقي يا عم محمود
محمود .. والله انا العمالية زي الفل معايا ومش محتاج حاجة يا احمد وكفاية لحد كده انت صرفت كتير جدا جدا
احمد .. لا كله الا انت الدنيا كلها كفة وانت كفة وكفتك انت تطب كمان .
احمد عمل له سوبر ماركت كبير 3 تدوار واظن كده زي الفل مع عم محمود وهو اصلا رفض اي حاجة تانى من محمود ..
*******
اضحك للطفل اليتيم واللى مش يتيم الضحكة من غير فلوس اعمل زي الحاج لو انت عندك محل اتبرع بقميص لطفل يتيم ساعد الست اللى بتربي عيال كتير اعمل زي الشيخ عمر ومحمود لم فلوس من حارتك ولو من كل واحد خمسة جنيه كل شهر وساعدو بيها وحدة زي الحاجة فوزية اعمل زي عم احمد وهات ارنب وانصح واحدة بتربي يتيم او واحدة فقيرة مش قادرة تعيش انصحها تعمل مشروع الارانب وبلاش تقول ايه الهبل ده دي حاجة بجد ممكن تصنع احمد حقيقي جرب ابدأ انت وصحابك من بكره تساعدو حد فقير لو كلنا بقينا زي اهل الحارة بتاعت احمد خليك زي محمود والشيخ عمر وابو مينا وعم احمد والحاج
اللى عاوز اقولوا من زرع حصد يعني اللى هتعملو هيتردلك ويمكن اكتر ولو انت ميت هيترد لعيالك زي عم احمد بالظبط
****
اتمني تعجبكم
ليست هناك تعليقات:
إرسال تعليق